ده شكل المخ من بره
معلش بقا بهييس معاكو شويه
إدعولى
___________________________________
تحديث: 4-6-2008
معلش التحديث متأخر علشان كنت ناوى أغطرش على الموضوع
بس هعمل ايه الكل بيقولى عملا ايه فى الإمتحان
أما الإمتحان الأول اللى كان فى الكورس
كان أحلى مافيه انه ماعليهوش درجات يعنى تدريب
بس طبعا فيه تهزئ والدكتور بتاعنا بيحب قوى كلمة يا فاشل يا فاشل
واللى يغلط يدفع جنيه والكلام ده
أنا طبعا ذاكرت اللى فيه النصيب وروحت الإمتحان
لقيت الناس قاعدة والدكتور قاعد يتوعد ويتوغد اللى هيغش
واقفلى الكتاب يا بت و اقفل الكتاب يا بت
كلهم كانوا بنات كام ولد بس هما اللى كانوا موجودين
المهم جت ورقة الأسئلة ولقيت نصف الأسئلة من فرع أمراض القلب
والباقى الأمراض العصبية
وأنا تقريبا ما كنتش فتحت كتاب أمراض القلب
بس الإمتحان كان كويس
عدا سؤال واحد كان غريب جدا
حاجة كده زى
ما هى أسباب تخن الفيل؟
المهم عدى الإمتحان
واللى أنا عرفته بعد كده انى جبت فيه امتياز
أى نعم امتياز نص كم بس الحمد لله
والدكتور قاللى كويس قوى حيث ان ده أول امتحن معاه وكمان أنا مش معاه فى النظرى
أما عن الإمتحان الثانى
فكان خمس أسئلة من عينة
أكتب كل اللى تعرفه واللى كمان متعرفوش فى الآتى
وكان فيه سؤالين يتجاوبوا
وسؤالين بيشاوروا عقلهم
وواحد ماسمعناش عنه
كان سؤال حاجة كده زى
ما هى البوروروم؟
طبعا البتاع ده مش موجود فى ميكى ماوس اللى اجنا بنذاكر منه
بس الدكتور كان لمح لحاجة شبهها فى المحاضرة
وحيث انى كنت قريتها فى كتاب تشيكوسلوفاكى
فجاوبت فيها كويس
المهم مش هفرحكم فى دلوقتى
انتظروا الإمتحانات جاية كتييييير
والأمر مايسلمش
ودعواتكم
27 comments:
هيييييييييه
شكلى كدة اول حد
ربنا معاك يارب
هندعيلك ان شاء الله
ماحنا مفيش فى ايدنا غير الدعاوى
بالمناسبة
المخ شكله اوريجينال خالص
ربنا يخليهولك
ايه ده
الصور بالشرح على اساس ان احنا هنمتحن معاك
لاء وكمان طب ياخبر
طيب انا واحد ماصدقت خلصت مذاكره
عقبااااااالك يارب
ويعدى الامتحانات على خير
bos yabny enta ana mmkn arza3ak rasma telef 7awaleeha 100 sna we mesh hatefham 7aga
balash el 7agat elly to5od de wenaby:d
ههههههههههههه ربنا يوفقك
انا عندى ٣ امتحانات من بكرة لليوم الاربع عاااااااااا
الله يهد الظالم
انت بتمع لنا اللى ذاكرته؟؟؟؟؟
ههههههههههه
والكتور اللى بتاخد عنده درس طلع مش بيحبك خااااالص
عاوز يجننك و زمايلك يمتحنوا عليك
ههههههههههههههههه
وكله تبع الجهاز العصبى
ههههههههه
ربنا معاك
ربنا معاك يارب ومع كل اللي بيمتحنوا
ولما تحب تيجي تراجع راجع في المدونة
ماحدش عنده ليك حاجة
تحياتي وفوقيها دعواتي
ربنا معااااااااااااااك
انا جايه ارمي السلام
واقولك ربنا معاااااااااااك
السلام عليكم اول مره كده اجيلك تكون ف امتحانات
:)
ربنا معاك ويعينك ع النيورولوجي
ربنا معاك
ربنا معااااااك وبالتوفيق ان شاء الله
بس غريب الدكتور دا انه يقولك تعال امتحن , بس كويس والله اهو يخليك تذاكر بردو
علي فكرة النيورو دا من اجمل وامتع المواد اللي ممكن تتذاكر رغم ان بيقولوا انه صعب بس لما بيتفهم بيبقي ممتتتتتتع
انا بردو عندي امتحانين الاسبوع دا والاتنين نسا ربنا يستر
ربنا معاك ومعانا
نحنو في الهمي سوين
تحياتي .. بالنحوي
لانملك الا ندعو لك ....
واقدر تماما تهييس ماقبل الامتحانات
وده ظاهره صحيه جداااا
فالك التوفيق
ربنا معاك ومعانا كلنا
المهم عملت إيه فى الإمتحان..يا رب يكون عدى على خير إن شاء الله
تحياتى
ربنا يوفقك يارب ربنا معااااااااك بندعيلك من كل قلوبنا
تحياتنا
شكرا يا جماعة على الدعوات
brek:
اه فعلا شكله حلو :D
ربنا يخليهولى ويخليهولك
__________________
رحيل: ههه اه ليه لأ كنتو تتفضلوا معانا
خلصتى مذاكرة يا بختك أنا هبدأ أحقد عليكى
_______________
M.g
ماشى يا هندزة
مش هحوط حاجات تخض
وعلى فكرة هات الرسمة ومش هلف ولا حاجة
هنفضلها:P
هوندا:
اه عملتى ايه بقى فى الإمتحانات
:D
_______________
واحدة مفروسة:
اه قات اتحفكم كده بأول ثفحة فى الكتاب
وبالعكس أنا اللى استفدت من الإمتحان
_____________
المفقوعة مرارتها:
اه الأسامى الجامدة ده
شكرا يا نصفانى يا مقويانى عليهم
شكرا جدا على الزيارة
سارة:
الله يخليكى
بس ايه موضوع انتحرت ده
شكرا على الزيارة
وهاردها قريب ان شاء الله
______________________
حبيبة القمر:
وعليكم السلام:D
شكرا على الزيارة
دكتور بهدوء:
شكرا على الزيارة نورتنا بجد
اه بقا هعمل ايه معلش ملحوقة ان شاء الله
ربنا يسهل ومايكونش اخر زيارة :D
سنووايت:
هو فعلا كان عايزنى أستفيد
الدكتور ملتمس فى خيرا
فعلا النيورو سهل جدا بس بيتنسى بسرعة جدا
اتمنى تكونى وفقتى فى الإمتحانات بأمر الله
آدم المصرى:
شكرا جدا على الزيارة فعلا تشرفنا بزيارتكم
والله معنا بالنحوى برضه.
__________________
ghada &rofayda:
شكرا و معلش علشان التهييس ده
________________
maiosha:
اه الحمد لله ربنا ستر وعدوا على خير
_____________
بنات صاحبة الجلالة:
أهلا سيدتى شكرا جدا على الدعوات
السلام عليكم ورحمة الله وبركاته
ما قلتلناش عملت ايه فى الامتحان لحد الان؟وذاكركويس بدال ما تحط للناس الصور دى انت اللى حيمتحن مش هم؟
norhaty:
ليه الإحراج ده
ان شاء الله هكتبه فى البوست
السلام عليكم ورحمة الله وبركاته
funcydoctor
ولا أحراج ولا حاجة
كلنا ذاكرنا وجبنا ساعات نمر حلوة وساعات لأ
( ده CNSيازميل
مالهوش حل ولا له كبير)
وتمنياتى بالنجاح ان شاء الله
وتقبل تحياتى
norhaty;
مفيش احراج تن شاء الله أنا هاعمل تحديث للبوست
وشكرا على التشجيع ده
السلام عليكم ورحمة الله وبركاته
funcydoctor**
طب الحمد لله ويعدي الباقى على خير ان شاء الله.
تمنياتى وتحياتى ودعواتى للجميع وخاصة للمساكين طلبة (بنين وبنات )الطب البشرى ,قلبى معاهم
الله يعينهم على اللى
شافوه
واللى بيشوفوه
واللى لسه حيشوفوه
(المستخبى كتتتتتتتتتتتتر)
احنا جايين نهدى النفوس بس
ربنا مع الجميع.
تحياتى وتمنياتى بالنجاح
Norhaty:
طمنتينى الله يطمنك
عموما أن عارف ان التقيل ورا
السلام عليكم ورحمة الله وبركاته
funckydoctor
عايزنى اكدب؟
واقولك الدنيا بمبى وحاجات زى كده!!
العمل كفاح وانت قدها وقدود
تحياتى.
Post a Comment