ليه مابعرفش أقول اللى جوايا
ليه مبقولش للناس اللى بحبهم انى بحبهم
ليه باحب ده واكره ده
ليه لابس قناع خشب
ليه بضايق ناس مش عايز أضايقهم
ليه مشاعرى مدفونة جوايا
ليه باتردد أقولها
ليه ممكن أموت من غير ما أتكلم
ليه أنينى حتى أنا مابسمعوش
ليه غرقان فى الإبهام
ليه باهتم بالتفاصيل
ليه حاسس انى مستنى حاجة- ايه هيا مش عارف-
ليه بيضايقنى الإنتظار
ليه خايف من بكرة
ليه بارسم خطط لبكرة
ليه بيعملو فينا كده
ليه أحسن حاجة نعرفها الصمت
ليه احنا مش زى اليابان
ليه كل الخايبين اتلمو هنا
ليه بيجيبوا تامر أمين - شُرطة- فى البيت بيتك
ليه
وليه
وليه
وليه فى ناس بتدخل المدونة ماتعلقش
وصبح صبح
6 comments:
بص انا بعمل ايه الايام دى
بعتقد ان الناس كلها بتقرا أفكارى
اقوم لما افكر فى حاجة وحشة ناحية حد اشيلها من دماغى بسرعةياما اقوله عليها عشان مبئاش شايلة منه قبل ما يشوفها
بمحيها خاااالص بئا عشان ميشوفهاش
لو بفكر فى حاجة حلوة
اقوم اقولها بسرعة قبل ما يشوف انى بفكر فى حاجةحلوة من ناحيته ومش بقولهاله
وكانت النتيجة فظيعة
خناقة مع لوزة امبارح
:D
بس يعنى لسة مستمرة يمكن نلاقى حاجة حلوة للموضوع
بريك:
فكرة كويسة بس عايزة مجهود علشان تتنفذ
المشكلة انى لما باضايق من حد بقوله فى وشه لكن لو بحبه مبعرفش أقوله
لأن تامر امين افضل من يمثل الحكومة بكل غبائها واستفزازها
وكفاية كدة علشان لو هقولك هقول كتير
سلاموز
مصطفى ريان:
قصدك انه بيعرف يأمن كويس :D
howa ana gowaya kalam bas mesh 3ayez 22olo:p
ana bas 2olt aseeb comment 3shan maza3alksh:D
My twin
eh ya 3am dh
menawarna
Post a Comment